Яқин Шарқда ИШИД таркибида жанг қилаётган 6 минг жангари Африкага қайтиши мумкин. Бу ҳақда Африка иттифоқи тинчлик ва хавфсизлик масалалари бўйича комиссари Исмоил Шерги Жазоирнинг Оран шаҳрида бўлиб ўтган террорчиликка қарши курашга бағишланган форумдаги чиқишида маълум қилди, дея хабар беради «ТАСС».
«Ҳисоботларда ИШИДга Яқин Шарқда қўшилган 30 минг чет эллик сафида 6 минг африкалик борлиги билдирилади. Уларнинг Африкага қайтиши хавфсизлик ва барқарорлик учун жиддий хавф туғдиради. Бу эса алоҳида ёндашув ва Африка давлатлари ўртасида тиғиз ҳамкорликни талаб этади», — деди комиссар.
У қитъа давлатларини ИШИДнинг Сурия ва Ироқдаги мағлубиятларидан сўнг мамлакатларига қайтаётган жангарилар ҳақида маълумот алмашишга чақирди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)