Халқаро ҳамжамиятнинг бирдамлигини сақлаб қолиш КХДРнинг АҚШ билан Корея ярим оролини ядросизлантириш масаласи бўйича сермазмун музокаралар ўтказишига туртки беради. Бундай фикрни БМТ бош котиби Антониу Гутерриш CNN телеканалига берган интервьюсида айтиб ўтди, деб ёзади «ТАСС».
«Муаммо ҳал бўлганича йўқ, аммо Шимолий Кореяга кучли босим ўтказилаётганига шубҳа йўқ. Буни Пхеньяндагилар ҳис қиляпти, деб ҳисоблайман», — деди Гутерриш. «Агар халқаро ҳамжамият бирдамлиги сақлаб қолинса, бу дипломатик ташаббусни илгари суриш имкониятига қаратилган йўлни давом эттиради», — дея қўшимча қилди у ва Хитой КХДРни бошқармаслигини айтди.
«Бу Корея ярим оролини ҳақиқатан ҳам ядросизлантиришга йўл очади. Бу мақсадга эришиш учун биз барча имкониятларни ишга солишимиз керак, — дея хулоса қилди Гутерриш. — Ўйлайманки, дипломатия — қўйилган мақсадга эришишнинг маъқул йўли, чунки куч ишлатиш варианти улкан қурбонликларни ва кутилмаган оқибатларни келтириб чиқаради».
Изоҳ (0)