Motor нашри ўзининг фаралари билан кўпчиликни ҳайратга солган автомобилларнинг суратларини тўплаб тақдим этди.
Cizeta V16T
V16 двигатели билан жиҳозланган бу турдаги автомобиллар 1991 йилдан 1995 йилга қадар атига 20 нусхада ишлаб чиқарилган.
Opel GT
Ўтган асрнинг 70 йиллари охирида ишлаб чиқарилган ушбу автомобиль АҚШда Baby-Corvette номини олган. Corvette C2 ва C3’нинг фаралари шунчаки тепага кўтарилса, немис купесининг фаралари ўз ўқи атрофида айланган.
Porsche 928/968
Ушбу модель Porsche компаниясига Cayenne’га қадар молиявий маблағ олиб келиши керак эди, бироқ у режалаштирилган ҳажмда ишлаб чиқарилмаган. Бунга олд мотор схемаси кўпчиликни «қўрқитиб» юборгани бўлиши мумкин.
Alpine A310
Французлар томонидан 1971 йилда ишлаб чиқарилган машинанинг двигатели V6 сиғимли моторга ўзгартирилган — соддалаштирилган: олтита фарасининг ҳар бири иккита лампадан иборат иккита блокка ўзгартирилган.
Tucker Torpedo
Бу турдаги машиналар 1947—1948 йиллар давомида 51 нусхада ишлаб чиқарилган, бугунги кунгача эса уларнинг 47 таси етиб келган. Автомобилнинг асосий жиҳати — унинг олд томон марказига ўрнатилган фара бўлиб, у жуда кучли юруғлик чиқарган.
Tatra 77 А
Tucker ва Sitroen’никидан фарқли ўлароқ Tatra’нинг марказий фараси айлана олмаган. Шунга қарамай автомобиль буриладиган томонга ёруғлик тарқата олган. Бунга сабаб унинг электромагнит тизими — марказий фарасини ҳаракатланишига ёрдам берадиган рефлектор.
Tatra Т603
Tatra Т603 марказий учта фара билан жиҳозланган. Янгиланганидан сўнг эса уларнинг сони яна ошган. Модель 1956 йилдан 1975 йилгача ишлаб чиқарилган.
Buick Riviera
1965 йилда ишлаб чиқарилган Buick Riviera америкалик автомобиль ишқибозлар қалбидан алоҳида жой эгаллаган — бунга сабаб унинг фараларини очилиш механизми.
Fiat Multipla
Multipla’га қадар ҳам, ундан кейин ҳам ҳеч бир ишлаб чиқарувчи енгил машина фараларини унинг олд ойнаси остига жойлаштиришга жазм этмаган.
Изоҳ (0)