Иллинойс штатидаги фермалардан бирида жойлашган омбордан ноёб автомобиль — 1928 йилда ишлаб чиқарилган икки эшикли Marmon Model L топилди. Классик машина коллекциячилари ва Маrmon эгалари клубининг аъзоларини фикрича, ушбу машина L моделининг сақланиб қолган сўнгги нусхаси бўлиши мумкин. Бу ҳақда News Tribune нашрига таяниб, «Мотор» хабар берди.
Автомобиль 50 йилдан ортиқроқ вақт мобайнида омборда сақланган. Авваллари у ушбу марканинг ишқибози Кент Черпескка тегишли бўлган. Шунингдек, унинг коллекциясидан компанияни обрўли харидорлар орасида машҳур қилган Marmon 34 модели ҳам бўлган.
Model L дастлабки автомобиль моделларидан ҳисобланади, бироқ у Ford Model T’дан тўрт баробар қимматроқ турган. Машина 24 от кучига эга саккиз цилиндрли двигатель билан жиҳозланган.
Ўтган асрнинг 20 йилларидан Marmon Motor Car Co. Cadillac, Cadillac, Pierce-Arrow ва Packard каби автомобиль ишлаб чиқарувчилар билан рақобат қилган. 1929 йилда марка ўзининг биринчи саккиз цилиндрли автомобилини чиқарган, унинг нархи минг доллар атрофида бўлган.
Компания раҳбари Говард Мармон дунёда биринчи бор V16 двигатели билан жиҳозланадиган янги модель устида иш бошлаган. Бу турдаги автомобиль — Marmon Sixteen — 1931 йилда пайдо бўлган. У 203 от кучига эга 8,0 литрли двигателда ҳаракатланган.
Marmon компанияси автомобилсозлик тарихидан орқани кўриш мўлжалланган ойнани ўрнатган биринчи ишлаб чиқарувчи сифатида жой олган.
Изоҳ (0)