Тошкентнинг Мирзо Улуғбек туманида «Фуқаро электрон картаси» — Obod uy тизимини жорий қилиш бошланди, деб ёзади «Газета.uz». Тизимни биринчи бўлиб Қорасув турар-жой даҳасида жойлашган кўп қаватли уйлардаги хонадонларнинг туман ҳокими Шерзод Қудбиевдан тегишли хат олган эгалари синаб кўради.
Хат билан биргаликда, яшовчиларга тизим ҳақида маълумот берилган флаер ва туман фуқаросининг шахсий пластик картаси юборилган. Картага Obod uy тизимидаги шахсий кабинетга кириш учун логин ва пароль туширилган, у ерда эса хонадон ҳақида, Хусусий уй-жой мулкдорлари ширкати, эксплуатация харажатлари учун устамалар ва жорий баланс ҳақида маълумотлар олиш мумкин.
«Ушбу тизим фуқаролар ва Хусусий уй-жой мулкдорлари ширкати ўртасидаги ўзаро муносабатларнинг шаффофлигини, маблағлар йиғилувчанлигини ва очиқликни таъминлаш имконини беради», — дейилади хатда. Тизим йил охиригача бутун туманни қамраб олиши режалаштирилмоқда.
Изоҳ (0)