Амударё тумани Фуқаролик ҳолати далолатномаларини ёзиш (ФҲДЁ) бўлимининг янги биноси фойдаланишга топширилди. Бу ҳақда 9 декабрь, шанба куни ЎзА хабар берди.
Лойиҳа қиймати 1,25 миллиард сўм бўлган замонавий бинода тантаналар зали, архив, «оила дорилфунуни», ота-оналар, никоҳланувчи ёшлар билан учрашувлар ўтказишга мўлжалланган хоналар, ходимлар учун алоҳида ва бошқа маиший-хўжалик хоналари, келин-куёвлар салони бўлиб, барчаси зарур жиҳозлар билан таъминланган.
«Шу куни янги ‘Бахт уйиъда биринчи никоҳ қайд этилди — Аҳмаджон Тўлибоев ва Шоҳиста Оллабергановага никоҳ гувоҳномаси топширилди», — деб ёзади ЎзА.
Агентликнинг қўшимча қилишича, Ўзбекистон Конституцияси қабул қилинганининг 25 йиллиги байрами арафасида тумандаги 1-давлат нотариал идорасининг янги биноси ҳам фойдаланишга топширилган эди.
Изоҳ (0)