Фарғона вилояти Фавқулодда вазиятлар бошқармаси тезкор навбатчисига фуқаро Ж.Р. қўнғироқ қилиб, қўшниси — 75 ёшли М.Л. хонадон эшигини очмаётгани ва қўнғироқларга жавоб бермаётгани ҳақида хабар берган.
Ўзбекистон ФВВ ахборотига кўра, олинган хабарга асосан қутқарувчилар зудлик билан воқеа жойига бориб, маҳалла раиси ва қўшнилар иштирокида махсус қутқарув асбоб-ускуналари ёрдамида М.Л.нинг хонадони эшигини очган.
Ичкарига кирган қутқарувчилар хонадон эгаси беҳуш ҳолда ётганини кўрган. Фуқарога дарҳол биринчи тиббий ёрдам кўрсатиб, сўнг малакали шифокорларга топширилган.
«Қўшнининг ҳушёрлиги ва қутқарувчиларнинг тезкор ҳаракатлари натижасида яна бир кишининг ҳаёти сақлаб қолинди», — дейилади ФВВ ахборотида.
Изоҳ (0)