АҚШ президенти Дональд Трамп 2018 йил бошида тиббий текширувдан ўтади ва шифокорларга унинг натижаларини эълон қилишга рухсат беради. Бу ҳақда Оқ уй матбуот котиби Сара Сандерс маълум қилди, дея хабар беради «РИА Новости».
Cандерсга кўра, Трамп Мэриленд штатидаги Уолтер Рид номли миллий ҳарбий-тиббий марказда текширувдан ўтади.
«Маълумотлар мазкур жараёндан сўнг эълон қилинади», — таъкидлади Оқ уй матбуот котиби.
Охирги пайтларда Трампнинг саломатлиги борасида саволлар юзага кела бошлади. У ўтган ойда икки бор Оқ уйдаги чиқишини бўлишга мажбур бўлганди.
Изоҳ (0)