Мальтада 16 октябрь куни мамлакатнинг энг машҳур журналисти Дафни Каруана Гализия вафот этган эди. Унинг автомобили уйидан узоқлашганида портлаб кетган. Журналист олий мартабали амалдорлар орасидаги порахўрлик, контрабанда, гиёҳванд моддалар, ўйин бизнеслари ҳақида ёзган — унинг ўлимини кўпчилик хоҳлаган бўлиши табиий, деб хабар берди Meduza.
Журналистнинг ўлимидан икки ой ўтгач полициячилар қотилликда гумонланаётганларни қўл олди ва аёл қай йўсинда ўлдирилганини аниқлади. Қўлга олинганлар — жиноят оламининг таниқли одамлари. Бироқ улар журналистни ўзларининг манфаати йўлида ўлдиргани факт эмас.
16 октябрь куни эрталаб 52 ёшли Альфред Дежоржо Дафни Гализиянинг автомобилини остига портловчи қурилмани ўрнатган. Машина журналистнинг уйи яқинида турган. Дежоржо Гализиянинг ҳаракатларини кузатиш учун Дафнининг уйи атрофида қолган. Унинг катта акаси 54 ёшли Жорж эса бу вақтда денгиздаги яхтасида бўлган.
Дафни Гализия рулга ўтириб, уйидан узоқлашганида Альфред акасига хабар берган. Жорж эса бошқа телефон орқали портловчи қурилмага SMS юборган. Шу ондаёқ портлаш содир бўлган; ёнаётган машина йўлдан чиқиб кетган ва майдонда тўхтаган. Кейинроқ Дафнининг ўғлини айтишича, у портлаш овозини эшитган ва нима бўлганини кўриш мақсадида югуриб борган: у ёнаётган машинага ва портлаш оқибатида сочилиб кетган онасининг танасига дуч келган.
Полициячилар 4 декабрь тонгида малталик журналистнинг ўлимида гумонлаб 10 кишини ҳибсга олган. Уларнинг еттитаси гаров эвазига қўйиб юборилган. Ҳибсда ака-ука Дежоржолар ва 55 ёшли Винсент Мускат қолган. La Repubblica газетасининг маълумотларига кўра, портлаш жойида ака-ука Дежоржоларнинг биридан ташқари яна икки киши бўлган. Улардан бири автомобилни кузатган, иккинчиси эса машина портлаётганида унинг ёнига бошқа одамлар келиб қолмаслигини таъминлаган. Портлаш содир бўлгач, тергов назорати остига тушган мобил қурилмалар тармоқдан йўқолиб қолган.
Терговга ҳозирча қотиллар малталик журналистни ростдан ҳам ўз манфаатлари йўлида ўлдирганми ёки йўқ маълум эмас. Маlta Today нашрининг ёзишича, буюртмачилар қотилликни амалга ошириш учун жиноятчилар мурожаат қилган, улар эса «калаванинг учини топиш» қийин бўлиши учун бошқа «ҳамкасб»ларини ёллаган. Исмини ошкор этмаган терговчилардан бирининг айтишича, Дафнининг ўлдирилишига Ливиядаги нефть контрабандаси, гиёҳванд моддалар ва қурол таъминоти ҳақида чоп этган мақолалари сабаб бўлган бўлиши мумкин.
Изоҳ (0)