Қирғизистонда асосан вояга етмаган қизлар иккинчи ва учинчи хотин бўлмоқда. Бу ҳақда «Болалар ҳуқуқлари ҳимоячилари лигаси» раҳбари Назгул Турдубекова матбуот анжуманида маълум қилди, деб хабар берди «KNews».
Назгул томонидан тақдим этилган маълумотларга кўра, Қирғизистонда бир йил давомида 900 га яқин вояга етмаганларнинг никоҳи қайд этилади.
«Бу яширин муаммо. Бизга кўпинча ушбу ‘унвонъга диний маросимлар орқали эга бўлган аёллар мурожаат қилади. Биз уларнинг зўравонликдан азоб чекаётганини кўриб турибмиз. Улар бу ҳақида очиқчасига айта олмайди, милиция мурожаат қилолмайди, чунки уларнинг ҳолати аниқ эмас, улар ҳужжат ололмайди. Кўпинча вояга етмаган қизлар иккинчи ёки учинчи хотин бўлмоқда. Шундай экан кўп хотинлиликни тарғиб қилиш — бу бачавозликни тарғиб қилишдир», — деди у.
Улар Жўқорғи Кенгес депутати Айнур Тўйчиева билан кўп хотинлилик муаммосини ечиш борасида баёнот берди.
«Қирғизистон фуқаролари номидан биз диний раҳбарлар эркакларни иккинчи хотин олишга чақираётгани борасидаги хавфдан огоҳлантирамиз. Биз ушбу баёнот нафақат аёлларнинг, балки эркакларнинг ҳам шаъни ва қадр-қимматини поймол қилиш деб ҳисоблаймиз», — дея қўшимча қилади Турдубекова.
Изоҳ (0)