Саудия Арабистони аёлларига ҳайдовчилик гувоҳномасини олишнинг асосий шартлари маълум қилинди. Ар-Риёдда подшоҳлик тарихида биринчи бор аёлларнинг автомобиль бошқариши масалаларига бағишланган умуммиллий форум бўлиб ўтди, деб хабар берди «ТАСС».
Форум Муҳаммад ибн Сауд номидаги Ислом университети томонидан ташкиллаштирилган бўлиб, унда аёлларнинг машина ҳайдашига рухсат берувчи подшоҳлик директивасини (йўриқнома) амалга оширишдаги муваффақиятлар муҳокама қилинди. Консултатив кенгашнинг аёл аъзолари ёрдами билан ҳайдовчилик гувоҳномасини олишни истаган талабаларга махсус семинарлар ўтилди.
«Университетимизнинг аёллар кейинги йилдан бошлаб автомобиль бошқариши йўлида кўрсатаётган хизматларини қадрлаймиз. Ушбу муносабат билан университет ва йўл ҳаракати бош Бошқармаси ўртасида битим имзоланди. Бошқарма раҳбари университетни зиёрат қилиб, муҳандислик ва хавфсизлик соҳасидаги кўплаб мутахассислар билан ушбу масалани муҳокама қилди», — дейди университет матбуот котими Аҳмад ал-Рақбон.
Ҳайдовчилик гувоҳномасини олишда ўзининг шахсий автомобилини бошқаришни истаган аёллар ёши 18 дан кичик бўлмаслиги лозим, жамоат транспортини бошқармоқчи бўлганларнинг ёши 20 дан ошган бўлиши, шунингдек, номзодлар муқаддам судланмаган бўлиши керак. Барча номзодлар соғлом бўлиши ва тиббий комиссиядан ўтиши лозим. Шундан сўнг, номзодлар йўл ҳаракати қоидалари бўйича ёзма тестни, амалий имтиҳонни муваффақиятли топшириши, ниҳоят белгиланган божни тўлаши керак. Бундан ташқари Саудия Арабистон фуқаролигига эга бўлмаган аёллар подшоҳликда яшаётганлигининг юридик манзилига эга бўлишлари лозим.
Изоҳ (0)