Maltada 16-oktabr kuni mamlakatning eng mashhur jurnalisti Dafni Karuana Galiziya vafot etgan edi. Uning avtomobili uyidan uzoqlashganida portlab ketgan. Jurnalist oliy martabali amaldorlar orasidagi poraxo‘rlik, kontrabanda, giyohvand moddalar, o‘yin bizneslari haqida yozgan — uning o‘limini ko‘pchilik xohlagan bo‘lishi tabiiy, deb xabar berdi Meduza.
Jurnalistning o‘limidan ikki oy o‘tgach politsiyachilar qotillikda gumonlanayotganlarni qo‘l oldi va ayol qay yo‘sinda o‘ldirilganini aniqladi. Qo‘lga olinganlar — jinoyat olamining taniqli odamlari. Biroq ular jurnalistni o‘zlarining manfaati yo‘lida o‘ldirgani fakt emas.
16-oktabr kuni ertalab 52 yoshli Alfred Dejorjo Dafni Galiziyaning avtomobilini ostiga portlovchi qurilmani o‘rnatgan. Mashina jurnalistning uyi yaqinida turgan. Dejorjo Galiziyaning harakatlarini kuzatish uchun Dafnining uyi atrofida qolgan. Uning katta akasi 54 yoshli Jorj esa bu vaqtda dengizdagi yaxtasida bo‘lgan.
Dafni Galiziya rulga o‘tirib, uyidan uzoqlashganida Alfred akasiga xabar bergan. Jorj esa boshqa telefon orqali portlovchi qurilmaga SMS yuborgan. Shu ondayoq portlash sodir bo‘lgan; yonayotgan mashina yo‘ldan chiqib ketgan va maydonda to‘xtagan. Keyinroq Dafnining o‘g‘lini aytishicha, u portlash ovozini eshitgan va nima bo‘lganini ko‘rish maqsadida yugurib borgan: u yonayotgan mashinaga va portlash oqibatida sochilib ketgan onasining tanasiga duch kelgan.
Politsiyachilar 4-dekabr tongida maltalik jurnalistning o‘limida gumonlab 10 kishini hibsga olgan. Ularning yettitasi garov evaziga qo‘yib yuborilgan. Hibsda aka-uka Dejorjolar va 55 yoshli Vinsent Muskat qolgan. La Repubblica gazetasining ma’lumotlariga ko‘ra, portlash joyida aka-uka Dejorjolarning biridan tashqari yana ikki kishi bo‘lgan. Ulardan biri avtomobilni kuzatgan, ikkinchisi esa mashina portlayotganida uning yoniga boshqa odamlar kelib qolmasligini ta’minlagan. Portlash sodir bo‘lgach, tergov nazorati ostiga tushgan mobil qurilmalar tarmoqdan yo‘qolib qolgan.
Tergovga hozircha qotillar maltalik jurnalistni rostdan ham o‘z manfaatlari yo‘lida o‘ldirganmi yoki yo‘q ma’lum emas. Malta Today nashrining yozishicha, buyurtmachilar qotillikni amalga oshirish uchun jinoyatchilar murojaat qilgan, ular esa “kalavaning uchini topish” qiyin bo‘lishi uchun boshqa “hamkasb”larini yollagan. Ismini oshkor etmagan tergovchilardan birining aytishicha, Dafnining o‘ldirilishiga Liviyadagi neft kontrabandasi, giyohvand moddalar va qurol ta’minoti haqida chop etgan maqolalari sabab bo‘lgan bo‘lishi mumkin.
Izoh (0)