Пентагоннинг Сурия террорчилардан озод қилиниши асосан АҚШ бошчилигидаги коалициянинг хизмати эканлиги ҳақидаги баёноти танқидга ҳам арзимайди. Бу ҳақда «Миллий мудофаа» журнали бош муҳаррири Игорь Коротченко маълум қилди, деб хабар беради «РИА Новости».
«Пентагоннинг баёноти Россия Сурияда террорчилар устидан қозонган ғалабани ўзлаштиришга уринишдан иборат. Америкаликларнинг тактикаси шундай — жанговар ҳаракатларда туб бурилиш аён бўлгунча кутиб туриш ва шундан сўнг унга фаол қўшилиш», — деди Коротченко.
Экспертга кўра, Россия ҳаво-космик кучлари ва ҳарбий-денгиз флоти туфайлигина Сурияда ИШИД тор-мор этилишига эришилди. Ҳукумат кучлари уларсиз террорчилар хуружига дош беролмаган бўларди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)