Афғонистоннинг ШҲТга кириши имкониятини кўриб чиқишда мамлакатдаги муаммоларни ҳисобга олиш зарур. Бу ҳақда Россия бош вазири Дмитрий Медведев маълум қилди, дея хабар беради «РИА Новости».
«Афғонистон қийин вазиятда эканлиги, ўта мураккаб сиёсий омиллар таъсир кўрсатиши, террорчиликка қарши курашаётганини тушунамиз. Биз ва бошқа қатор давлатлар буни енгиш учун Афғонистонга тегишли ёрдам кўрсатяпмиз», — деди Медведев мамлакатнинг ШҲТга қабул қилиниши истиқболлари ҳақидаги саволга жавобан.
Медведевга кўра, Афғонистонни ташкилотга аъзолиги тўғрисида қарор қабул қилишда жорий ички сиёсий вазиятни ҳам инобатга олиш зарур.
Шунингдек, халқаро тузилмада ШҲТ — Афғонистон формати доирасида бевосита мазкур масалалар билан шуғулланадиган тизим белгиланганини маълум қилди.
Изоҳ (0)