Шимолий Корея кескинликни бартараф этиш бўйича музокараларга тайёр, ядровий давлат сифатида тан олинишини бунинг шарти сифатида қўймаган. Бу ҳақда КХДРда бўлиб қайтган россиялик депутатлар маълум қилди, дея хабар беради «РИА Новости».
Шу йил октябрида Шимолий Кореянинг марказий «Нодон синмун» газетасида шарҳ эълон қилинган, унда КХДР АҚШга ўзининг ядровий мақомини тан олиш ва тинч-тотув яшашни таклиф этганди.
«Улар ўзларини ядровий давлат сифатида тан олишларини истамоқда. Аммо бу Пхеньян фақат шу шарт билан музокараларга киришади дегани эмас. Улар музокаралар столига ўтиришга тайёр, уни қай мақомда ўтказилиши эса кўриб чиқилиши мумкин», — деди Россия Давлат думаси депутати Виталий Пашин.
Изоҳ (0)