Москва Ливияга ҳарбий контингент киритиш зарурлиги ҳақидаги гапиришнинг мавриди эмас, деб ҳисоблайди. Бу ҳақда Россия ТИВ Ливия бўйича контакт гуруҳи раҳбари Лев Деньгов маълум қилди, деб хабар беради «РИА Новости».
«Суверен давлат ишларига ҳар қандай аралашувни қабул қилиб бўлмайдиган ҳолат, халқаро ҳуқуқ меъёрларининг бузилиши деб ҳисоблаймиз. Шунингдек, айнан Ливия ички ишларига хорижий ҳарбий аралашув мамлакат бугунги кунда жиддий муаммоларга дуч келаётганига сабаб бўлди, деб ҳисоблаймиз», — деди Деньгов.
Россия ТИВ вакилига кўра, Ливияга ҳарбий контингент киритилиши БМТ Хавфсизлик кенгаши розилигини талаб қилади.
Изоҳ (0)