Гондурасда 26 ноябрь, якшанба куни бўлиб ўтган президентлик сайловларининг якуний натижалари эълон қилинмагани билан боғлиқ норозилик намойишлари давомида камида бир киши ҳалок бўлди, 20 киши яраланди. Бу ҳақда «РИА Новости» хабар бермоқда.
Олий сайлов суди маълумотларига кўра, бюллетенларнинг 94,33 фоизи ўрганиб чиқилганидан сўнг амалдаги президент Хуан Орландо Эрнандес 42,92 фоиз овоз билан етакчилик қилаётгани маълум бўлди. Унинг рақиби, мухолифат вакили Сальвадор Насралла ҳозирча 41,42 фоиз овозга эга. Ғалаба қозониш учун номзодга кўпчилик овоз тўплаш кифоя қилади.
Мухолифат намойишлари давомида Ла-Сейба шаҳрида бир киши ўлдирилди. Пойтахт Тегусигальпада 10 киши яраланди. Жароҳатланганлар орасида 12 полициячи ва ҳарбий бор.
Полиция кўздан ёш оқизувчи газ қўлламоқда, бироқ бу банклар, савдо марказлари ва автомобилларни талон-тарож қилаётган тартибсизликлар иштирокчиларини тўхтатмаяпти.
Изоҳ (0)