Финляндия қутқарув хизмати фавқулодда вазиятлар ҳақида матнли хабарларни қабул қилишни бошлади. Бу ҳақда ташкилотнинг расмий сайтига асосланиб, «РИА Новости» хабар берди.
Бунга қадар фақатгина телефон орқали қўнғироқ қилиб қутқарувчиларни чақириш мумкин эди.
«Фавқулодда ҳолатлар юзасидан матнли хабарлардан фойдаланиш хизмати биринчи навбатда эшитиш қобилияти йўқ ва гапира олмайдиган шахслар учун мўлжалланган. Фавқулодда ҳолатларда, имкон бўлса, доимо 112 телефон рақамига қўнғироқ қилинг», — дейилади хабарда.
Матнли хабарни Финляндия мобил операторлари хизматидан фойдаланувчи исталаган шахс, Финляндия давлат хизматлари порталидан рўйхатган ўтгач, юбориши мумкин.
Мазкур янги имконият фақат SMSларга тааллуқли. Интернет-мессенжерлар ёки сим-картасиз телефонлар орқали фавқулодда вазият ҳақида хабар юбориш имконияти мавжуд эмас.
Изоҳ (0)