АҚШ президентининг миллий хавфсизлик бўйича собиқ маслаҳатчиси Майкл Флинн Россия элчиси Сергей Кисляков билан музокаралари ҳақида ФҚБга сохта гувоҳлик берганлигини тан олди. Флинн махсус прокурор Роберт Мюллер олиб бораётган тергов билан ҳамкорлик қилишга ваъда берди, деб хабар қилмоқда Meduza.
Судда Флинн «ўз ҳаракатлари учун барча масъулиятни» зиммасига олишини маълум қилди.
Флиннинг Кисляков билан музокараси 2016 йилнинг декабрида, Дональд Трамп АҚШ президенти лавозимга киришганидан кейин бўлиб ўтган. ФҚБнинг таъкидлашича, Флинн рус элчиси билан Дональд Трамп жамоасининг раисини топшириғи сабаб суҳбатлашган. ФҚБ раис номини маълум қилмади.
Нашнинг хабар қилишича, Флинн «президент Трамп, унинг оила аъзоалари ва Оқ уй вакилларига қарши» кўрсатма беришга тайёр.
Флинн АҚШ президенти бўлишга тайёргарлик кўрган Трамп унга Россия билан алоқаларни ўрнатишни топширганини сўзлаб беришга рози бўлган.
Дональд Трампнинг вакилини айтишича, Майкл Флинн номига йўналтирилган айбловлар унинг ўзидан бошқа ҳеч кимга тааллуқли эмас.
Майкл Флинн 2017 йилнинг февралига қадар АҚШ президентининг миллий хавфсизлик масалалари бўйича маслаҳатчиси бўлган. Унинг Сергей Кисляков билан музокаралари ҳақида маълум бўлгач, Флинн истеъфога чиққан.
Изоҳ (0)