Атлантика океанида ғойиб бўлган Аргентинанинг «Сан-Хуан» субмаринасини қидириш ҳудуди радиуси 40 километр бўлган зонагача қисқарди. Бу ҳақда мамлакат ҳарбий-денгиз кучлари вакили Энрике Бальби маълум қилди, дея хабар беради «РИА Новости».
«Биз сув ости кемаси бўлиши эҳтимоли юқори ҳудудга аниқлик киритдик. Унинг майдони радиуси 40 километрлик зонагача қисқарди. Мазкур зона майдони Буэнос-Айресга қараганда 20 маротаба катта», — деди Бальби.
Олдинроқ Аргентина ҳарбий-денгиз кучлари «Сан-Хуан» ғойиб бўлишига якка портлаш сабаб бўлиши мумкинлигини билдирган, унинг вакиллари эса норасмий равишда экипаж ҳалок бўлганини тан олганди.
Изоҳ (0)