Номаълум шахслар Мексикадаги Гвадалахара шаҳрининг турли нуқталарида инсон жасади қолдиқлари бўлган музлатгичлар қолдирди. Бу ҳақда «РИА Новости» хабар бермоқда.
Proceso нашрига кўра, икки инсон боши солинган совутгич Televisa Guadalajara телеканали таҳририяти қаршисидан топилди.
Музлатгичларда таҳдидли мактублари бўлгани, улардан бири маҳаллий судья, иккинчиси эса Халиско штати (Гвадалахара мазкур штат пойтахти ҳисобланади) полицияси раҳбарига йўллангани билдирилмоқда.
Икки мактуб ҳам штатда фаолият олиб борадиган «Халиско —Янги авлод» наркокартели номига уйқаш C.J.N.G. инициаллари билан имзоланганди.
Картель Мексикадаги энг йирик жиноий гуруҳлардан бири ҳисобланади. 2015 йили унинг аъзолари Гвадалахара шаҳрига ҳужум қилган ва ҳарбий вертолётни уриб туширганди.
Изоҳ (0)