Жорий йил февралида Куала-Лумпур аэропортида заҳарланган КХДР етакчининг акаси Ким Чон Намнинг сумкасида 10 дан ортиқ антидот— заҳарланишга қарши капсула топилди. Бу ҳақда Малайзия олий суди йиғилишида кимёвий экспертиза департаменти раҳбарларидан бири К. Шармила маълум қилди, дея хабар беради «ТАСС».
Унинг айтишича, «марҳумнинг сумкасида 12 та антидот ўрами, жумладан, VX асабни фалаж қилувчи воситасига қарши атропин бўлган».
Маълумот учун, экспертиза Ким Чон Нам халқаро конвенцияларда ман этилган айнан ушбу кимёвий модда ёрдамида ўлдирилганини тасдиқлади.
Изоҳ (0)