Америкаликлар йилига 165 млрд долларлик егуликни ташлаб юборади

Америкаликлар йилига 165 миллиард долларлик ёки харид қилаётган егуликларининг 40 фоизини ташлаб юборади. Бу 72,5 миллион тонна атрофидаги маҳсулотни англатади, деб хабар беради «Интерфакс».

Гарвард ҳуқуқ мактаби ва АҚШ табиат ресурслари ҳимояси кенгаши экспертларига кўра, бундай вазият юзага келишига Қўшма Штатларда тушунарли озиқ-овқат маҳсулотлари маркировкаси деярли йўқлиги билан изоҳланади. Тадқиқотлар америкаликларнинг 80 фоиздан ортиғи егуликларни яроқлилик муддати тугагунга қадар маркировкалардаги чалкашликлар туфайли ташлаб юборади.

Яқинда Озиқ-овқат маркетинги институти ва Озиқ-овқат маҳсулотлари ишлаб чиқарувчилари ассоциацияси яроқлилик санасини белгилашнинг соддалаштирилган тизимини ишлаб чиқди.

Маркировканинг янги тизими 2018 йил июнидан бошлаб қўлланиши ва ноўрин ташлаб юбориладиган егулик миқдорини камайтиришга ёрдам бериши кутилмоқда.