«Шох-шаббалар орасидан илонни топиш» жумбоғи тармоқ фойдаланувчиларини мушкул аҳволга солиб қўйди

Тармоқ фойдаланувчилари Facebook’даги Sunshine Coast Snake Catchers аккаунти томонидан қолдирилган постга эътибор қаратди. Постда обуначилардан суратдаги шох-шаббалар ичидан илонни топишни сўралган.

Фойдаланувчиларнинг кўпчилиги илонни топишга киришиб кетган. Улар судралиб юрувчи суратнинг қаерида жойлашганини топиш мақсадида пост остига турли изоҳларни қолдирган. «Мен уни топа олмаяпман. Балки бу яхшиликкадир», — деб ёзади улардан бири.

«Дўстим, илонни кўра олмасам доим ташвишланаман. Бироқ ҳар қандай вазиятда ҳам бу яхши камуфляж», — дейди бошқа бир тармоқ фойдаланувчиси.

Кўпчилик фойдаланувчилар илоннинг ўлчами жуда кичик бўлганлиги сабаб уни шох-шаббалар орасидан топа олмаган. Шунга қарамай айримлар уни пайқашга муваффақ бўлган. «Жин урсин. Мен уни кўряпман, бироқ бу қандай илон эканлигини тушуна олмаяпман», — деб ёзади улардан бири.

Sunshine Coast Snake Catchers обуначиларининг баъзилари топишмоқни ечишни давом эттириб, суратдаги илон — жигарранг шарқ илони эканлигини таъкидламоқда.

Орадан икки кун ўтгач, саҳифа муаллифлари суратда илон айнан қаерда жойлашгани тасвирланган постни эълон қилди. Уни қуйидаги суратда кўришингиз мумкин.