АҚШ президенти Дональд Трамп Туркия президенти Ражаб Тоййиб Эрдўғон билан телефон орқали боғланиб, Суриядаги вазиятни муҳокама қилди. Бу ҳақда Оқ уй матбуот хизматига таяниб «Газета.ru» хабар берди.
Таъкидланишича, томонлар террорчиларга қарши биргаликда курашиш борасида янги келишувларга эришган.
«Икки мамлакат раҳбарлари Суриядаги вазиятга нисбатан БМТ Хавфсизлик Кенгашининг 2254 резолюциясини амалга ошириш нақадар муҳим аҳамиятга эга эканлигини ва БМТ ҳомийлигида бўлиб ўтадиган Женева жараёнида фуқаролар урушини тинч йўл билан ҳал қилишни қўллаб-қувватлаш масалаларини муҳокама қилди», — деб хабар беради Оқ уй матбуот хизмати.
Шунингдек, раҳбарлар Туркиянинг АҚШ ҳарбий техникасини сотиб олиш имкониятларини муҳокама қилган.
Изоҳ (0)