Россияда 11 сентябрдан бери 3,4 мингдан ортиқ объект «телефон террорчилари» хуружига дуч келди, улардан салкам 2,5 миллион киши эвакуация қилинди. Бу ҳақда куч тизимларидаги манба маълум қилди, дея хабар беради «ТАСС».
«11 сентябрдан 24 ноябргача Россиянинг 187 шаҳрида 3,4 мингдан ортиқ объектни портлатиш таҳдиди ҳақида хабар олинди. 2,4 миллиондан ошиқ киши эвакуация қилинди», — деди агентлик суҳбатдоши.
«Миналаштирилган» объектлар орасида мактаблар, олий ўқув юртлари, кинотеатрлар, театрлар, савдо марказлари, вокзаллар, аэропортлар ва тунги клублар бор. Ҳуқуқ-тартибот идоралари ходимлари ҳар бир хабарни текширувдан ўтказди, уларнинг барчаси ёлғон бўлиб чиқди.
Изоҳ (0)