Ҳиндистоннинг Бангалор шаҳрида «Торнадо» ҳарбий мотоциклчилар гуруҳи битта мотоциклда ҳаракатланиши мумкин бўлган одамлар сони бўйича жаҳон рекордини янгилади, деб хабар берди India Today.
Улар сезилар-сезилмас модификация қилинган Royal Enfield мотоцикл маркасидан фойдаланди. Бир киши рулга ўтирган, яна бир киши ҳаракатланиш воситасининг ортига турган ҳолда жойлашган, қолган 56 киши мотоцикл ёнига қўшилган планкаларга чиқиб олган.
Умумий ҳисобда 58 киши мотоциклда 1200 метр ҳаракатланган. Натижа Гиннеснинг рекордлар китобига киритилган. Бундан олдинги рекорд ҳам ҳиндлар томонидан ўрнатилган бўлиб, уни бошқа жамоа ўрнатган; 2010 йилда устига 56 нафар аскар ва офицерлар чиқиб олган мотоцикл ҳаракатланишга муваффақ бўлган эди.
Изоҳ (0)