ЖАРдаги Крюгер миллий боғи — Африканинг машҳур «катта бешлиги»ни учратиш мумкин бўлган жой: шер, каркидон, фил, буйвол ва қоплон. Бу ердаги ҳайвонлар автомобилда ташриф буюрган одамларга ўрганиб қолганлигига қарамай, яқинда кичкина филча сайёҳларга ўз характерини намойиш этишга қарор қилди, деб хабар берди National Geographic.
Бир ёшлар атрофидаги филча машина қаршисида хартумини силкитганча туриб олган. Бир неча бор хартуми орқали автомобиль капотини урган ҳам, ёнидан бошқа машина ўтиб кетганида филча унинг ортидан ҳаракатланган. Автомобилга ета олмагач, у йўлни тарк этган.
Видеони ёввойи табиатни суратга олиш билан шуғулланувчи Куинтин ванн дер Мерве тасвирга олган. Унинг ҳисоблашича, ҳайвон ўзининг ҳаракатлари орқали атрофдагиларга кучини ва жасурлигини намойиш қилган.
«Ёш филчалар кўпинча шундай қилади. Бундан қўрқиш керак эмас: яхшиси жойингизда қимирламасдан кутганингиз маъқул. Мен ёввойи йиртқичлар орасида ишлайман ва кўп йиллик тажрибамдан келиб чиқиб шуни айтишим мумкинки, филча зарар етказмайди: у шунчаки ўзини намойиш этди», — дейди сураткаш.
Изоҳ (0)