Weather Channel телетармоғининг тасвирчиси бошқа телеканаллар вакиллари каби АҚШнинг Атланта шаҳридаги «Жоржиа Доум» стадионининг портлатилишини тасвирга олишга ҳаракат қилди. Бироқ унга автобус халақит берди. Meduza ҳолат акс этган видеони тақдим этди.
1996 йилда Олимпиада ўйинлари бўлиб ўтган 80 минг ўринли стадион 20 ноябрда бузилди. Weather Channel тасвирчиси стадионнининг девори орқасидаги йўлнинг четида туриб, портлашни тасвирга олмоқчи бўлган. Бироқ танлаган жойи омадсиз чиққан. Стадион портлашни бошлаган заҳоти камера олдида автобус тўхтаган ва бутун кўринишни тўсиб қўйган.
Тасвирчи автобусга қараб бақирган, аммо бу унга ёрдам бермаган. Автобус стадион ўрнида чанг булутлари қолгандагина жойидан қўзғалган.
Изоҳ (0)