Швейцариянинг Вале кантонидаги Альбинен қишлоғида 30 ноябрь куни маҳаллий бошқарувнинг янги сиёсати юзасидан овоз бериш бўлиб ўтади. Қишлоқ бошқа шаҳар ва мамлакатлардан кўчиб келишга тайёр бўлган кишиларга пул тўлашни режалаштирмоқда. Бу ҳақда TJournal хабар берди.
Альбиненда уй сотиб олиш ёки қуришга қарор қилган оилалар ёки кишилар катталар учун 25 минг Швейцария франки, кичкиналар учун эса 10 минг Швейцария франки миқдорида грант олиш ҳуқуқига эга бўлади.
Дастурда иштирок этиш ҳуқуқини олиш учун номзод 45 ёшдан кичик бўлиши ва қишлоқда камида 10 йил яшашга рози бўлиши керак. Сотиб олиниши ёки қурилиши керак бўлган мулкнинг энг минимал қиймати 200 минг франк бўлиши керак. Уй иккинчи яшаш жойи эмас, балки доимий турар жой бўлиши шарт.
Бу чора қишлоқ келажаги учун инвестиция бўлиши мумкин. Қишлоқ жамоаси янги кўчиб келадиган оилалар томонидан тўланадиган солиқлар, қурилиш ва қишлоқ дўконидаги харидлар ҳисобидан фойда олишни режалаштирмоқда. Ғояга кўра, ёшлар «қишлоққа ҳаётни қайтариши керак». Ҳеч бўлмаганда маҳаллий мактаб яна ўз ишини бошлайди.
Айни вақтда қишлоқда жами 240 киши яшайди. Сўнгги йилларда қишлоқда доимий яшовчи бир қанча киши кўчиб кетди. Айниқса, ёш оилалар кўчиб кетмоқда. Қишлоқда қолганлар эса кенгашдан бирор йўл билан Альбиненнинг келажагини таъминлашни талаб қилган.
Изоҳ (0)