Россиялик опера қўшиқчиси Дмитрий Хворостовский 55 ёшида вафот этди, дея хабар бермоқда Meduza.
«ТАСС» қўшиқчининг агентига таяниб маълум қилишича, у Лондонда ҳаётдан кўз юмган.
2015 йилда Дмитрий Хворостовскийнинг бош миясида шиш аниқланган эди. Қўшиқчи даволаниш учун концерт фаолиятини бир неча ойга тўхтатиб турган, аммо кейинроқ саҳнага қайтган эди.
1962 йилнинг 16 октябрида Красноярскда туғилган Дмитрий Хворостовский Россияда ва дунёда энг таниқли опера қўшиқчиларидан бири эди. У, хусусан, Нью-Йоркнинг Метрополитен операсида, Лондоннинг Ковент-Гардендаги Қироллик операсида, Миланнинг Ла-Скаласида, Вена ва Берлин давлат операларида, Санкт-Петербургдаги Мариинский театрида ва бошқа нуфузли опера саҳналарида чиқиш қилган. Хворостовский 40 дан ортиқ дисклар чиқарган.
Изоҳ (0)