«Ниҳол» мукофоти совриндори Гулзода Худойназарова Европадаги ижодий сафари чоғида «КлангКосмос дунё мусиқаси» лойиҳасида иштирок этмоқда. Бу ҳақда «Шарқ тароналари» мусиқа фестивали консултанти Ҳусниддин Атоев маълум қилди.
Гулзода Худойназарова ва унинг жамоаси айни кунгача Германия ва Бельгиянинг бир қатор шаҳарларида концертлар берди ҳамда болалар учун ташкиллаштирилган очиқ дарсларда иштирок этиб, ўзбек миллий мусиқаси ва чолғулари ҳақида маълумотлар берди.
Германиянинг Alba Kultur ҳамда Ўзбекистоннинг OXUS Culture ташкилоти ҳамкорлиги натижасида Гулзода Худойназарованинг «КлангКосмос дунё мусиқаси» лойиҳасидаги иштироки таъминланди.
Хонанда Гулзода Худойназарова, созандалар Бекзод Сафаров ҳамда Фарруҳ Воҳидовларнинг концерт дастурларидаги чиқишлари мухлислар олқишларига сазовор бўлмоқда.
Гулзода Худойназарова ҳамда мусиқачилар Европанинг яна бир қатор шаҳарларида концерт беришни режалаштирмоқда.
Изоҳ (0)