Америкалик хонанда Бейонсе йилнинг энг кўп пул ишлаган аёл қўшиқчилари рейтингида етакчилик қилди, деб ёзади «РБК» Forbes’га таяниб.
Нашр версиясига кўра, унинг даромади 105 миллион долларни ташкил қилган. Ушбу суммага Lemonade альбоми сотувидан, шунингдек, концерт туридан тушган маблағлар киради.
Рейтингнинг иккинчи поғонасини британиялик қўшиқчи Адель эгаллади, унинг даромади 69 миллион долларга тенг бўлди. Америкалик хонанда Тейлор Свифт 44 миллион доллар билан кейинги ўринда жойлашди.
Селин Дион, Forbes ҳисоб-китобларига кўра, 42 миллион доллар ишлаб топди ва шу тариқа, рейтингнинг тўртинчи поғонасини банд этди. Рейтингнинг бешинчи поғонасида Женнифер Лопез жойлашди (38 миллион доллар).
Рейтингни тузишда Forbes 2016 йилнинг 1 июнидан 2017 йилнинг 1 июнигача бўлган давр маълумотларидан фойдаланди.
Изоҳ (0)