Калифорниялик мустақил ихтирочи Майк Хьюз ўз ракетасида 25 ноябрь куни космосга учишни режалаштирган. Америкаликнинг Ер текис эканлигига ишончи комил, шунинг учун у космосга кўтарилиб, буни ўз кўзи билан кўрмоқчи. Бу ҳақда TJournal хабар берди.
61 ёшли Хьюз ўз ракетасини бир неча йилдан буён ясамоқда ва унга қарийб 20 минг доллар сарфлаган. Ўтмишида у каскадёрлик қилган ва лимузин ҳайдовчиси бўлган. Кашфиётчининг сўзларига кўра, 25 ноябрь, шанба куни унинг ракетаси соатига 800 километр тезлик билан осмонга кўтарилади.
Хьюз Waldo Stakes компаниясига қарашли беш километрли ҳудудни ижарага олган. Ракета қисмларини эса металл цехларидан топган ва олибсотарлардан эса самолёт қисмларини олган. Ихтирочи двигателни Craigslist сайтида сотиб олган, ракета корпусини эса оч қизил рангга бўяган. Қўниш учун эса кабинадаги ўриндиққа парашут маҳкамланган.
Ракета учиши билан бир вақтда Хьюзнинг Калифорния губернаторлиги учун сайловолди кампанияси бошланади. Ихтирочи бирор ҳодиса юз бериши эҳтимолини ҳисобга олиб, ўзининг тўртта мушугига кўпроқ егулик қолдириб кетишга ваъда берган.
2014 йилнинг январь ойида Хьюз ўзи ясаган ракетани учирган. Ракета 400 метр баландликка кўтарилиб, чўлга қулаб тушган. Ихтирочи кичик жароҳатлар олган ва уч кун шифохонада ётган.
Изоҳ (0)