Финляндия, Норвегия ва Россиянинг Мурманск вилояти устидан 17 ноябрга ўтар кечаси метеор учиб ўтди. У финляндиялик ва россиялик ҳайдовчиларнинг видеорегистраторларида тасвирга тушган. Гувоҳларнинг сўзларига кўра, тунги осмон бир неча сонияга қизарган, кейин эса ёрқин чақин юз берган. Бу ҳақда Meduza хабар бермоқда.
Астрономларнинг сўзларига кўра, 17—18 ноябрда осмонда энг кучли метеор оқимларидан бири бўлган Леонидлар оқими ўзининг энг юқори даражасига чиқади. Бу оқимда ёрқин бўлаклар кўп бўлиб, улар одамлар учун хавфли эмас.
Маълумотларга кўра, метеор товуш тезлигида учган. Финляндиялик экспертлар объектнинг оғирлиги тахминан 10 килограмм бўлганини тахмин қилмоқда.
Изоҳ (0)