Хоразм вилояти Урганч шаҳрида яшовчи фуқаро С.А Россия Федерациясидан божхона қонун ҳужжатларини бузган ҳолда дори воситаларини Ўзбекистонга олиб киришга уринди, деб хабар беради божхона қўмитаси ахборот хизмати.
Хусусан, фуқаро С.А ўз мақсадини амалга оширишда Россия Федерацияси Санкт-Петербург шаҳрида ишлаб юрган танишини ишга солган.
Анвар «Санкт-Петербург — Урганч» йўналишида учиб келаётган икки нафар фуқаролар орқали ушбу дори-дармонларга фуқаро С.Анинг яқин қариндошларининг эҳтиёжи борлигини айтиб, олиб бориб беришни илтимос қилиб, уч хилдаги умумий қиймати 5 000 000 сўмлик 29 қути (10 қути «Иммунофан», 10 қути «Солу Медрол 500 мг» ва 9 қути «Гонадотропин Хорионический» ёзувли) дори воситаларини бериб юборганлиги аниқланди.
Ўтказилган тадбир давомида фуқаро С.А Урганч халқаро аэропорти биноси олдида «Санкт-Петербург — Урганч» йўналишида учиб келган фуқаролар Ё.Х ва Н.Слардан юқорида номлари келтирилган дори воситаларини қабул қилиб турган пайтида Хоразм вилояти божхона бошқармаси контрабандага қарши курашиш бўлими ва «Урганч аэропорт» чегара божхона пости ходимлари томонидан тўхтатилди.
Ушбу ҳолат юзасидан суриштирув ишлари олиб борилмоқда.
Изоҳ (0)