Андижон вилоят божхона бошқармаси «Дўстлик» чегара божхона комплекси ходимлари томонидан Қирғизистондан кириб келган Ўзбекистон Республикаси фуқароси Жасурбек Бозоров йўловчи божхона декларациясини тўлдиргандан сўнг холислар иштирокида шахсий кўрикдан ўтказилганда эгнига кийиб олган майкаси ичига қистирилган ҳолда яширилган Микро флешка хотирасида диний мазмундаги видеоролик ва 84 дона диний мазмундаги аудиороликлар борлиги аниқланди, деб хабар беради Божхона қўмитаси ахборот хизмати.
Шунга ўхшаш яна бир ҳолатда Россия Федерацияси фуқароси Отабек Эргашбоев белгиланган тартибда йўловчи божхона декларациясини тўлдириб, божхона ходимларига тақдим этгандан сўнг унинг ёнида божхона декларациясида ёзиб кўрсатилмаган қиймати уч миллион сўмлик Samsung Galaxy S7 русумли уяли қўл телефони ва унинг хотирасида жами 30 дона диний мазмундаги аудио-видеороликлар борлиги аниқланди.
Маълумот учун, Ўзбекистон Республикаси Президентининг 1997 йил 10 октябрдаги 1871-сонли фармонига асосан Ўзбекистон ҳудудига шафқатсизлик ва диний ақидапарастликни тарғиб этувчи, миллатлар ўртасида нифоқ келтириб чиқарувчи шунингдек порнографик мазмунга эга бўлган барча турдаги аудио ва видео материалларни олиб кириш қатъиян тақиқланади.
Изоҳ (0)