16 ноябрь куни SpaceX компанияси Ер орбитасига сирли юкни олиб чиқишни режалаштирмоқда, у ҳақдаги ахборот махфий тутилмоқда, деб ёзади Hi-Tech Mail.Ru. Операцияга «Зума» номи берилди.
11 ноябрь куни аэрокосмик корпорация миссияга 15 ноябрда старт бериш нияти билан Falcon 9 ракетаси синовини ўтказди. Кейинроқ номаълум сабабларга кўра, у бир кунга кечиктирилди, у яна қолдирилиши мумкин, бироқ «Зума» 30 ноябрдан кечикмасдан учирилиши керак. Нима учун парвоз айнан шу санагача амалга оширилиши зарурлиги — миссия билан боғлиқ бошқа маълумотлар каби жумбоқ бўлиб қолмоқда.
Шуниси маълумки, Falcon 9 элтувчи ракетаси орбитага АҚШ ҳукумати учун Northrop Grumman технологияларни ҳимоя қилиш компанияси томонидан буюртма қилинган фойдали юкни етказади. Журналистлар юк нимадан иборат эканлигини аниқлашга уринганида, уларга бу ахборот махфий эканлигини айтишган.
Изоҳ (0)