Тошкент мода ҳафталигининг учинчи куни таниқли ўзбек дизайнерларининг янги либослар намойиши билан эсда қолди, деб ёзади MyDay.
Шунингдек, италиялик дизайнерлар Аngela Varasanо ҳамда Giuliо Boldetti иштирокида маҳорат дарслари бўлиб ўтди.
Намойишда биринчи бўлиб Елена Мильбергер ва Николай Нам Тhе Мiх номли ҳамкор брендлари билан чиқди.
53 та лукда дизайнерлар трикотаж, неопрен, пахта, табиий ипаклардан кўйлаклар, палто, шимли костюмлар, пижаклар ва бомберлар тақдим этди. NNАМ бренди бу йил тўкилиб турадиган енгил матолар билан қаттиқ шаклларни уйғунлаштирган casual услубидаги кўйлаклардан иборат «ёғду» деб номланган коллекцияси билан чиқди. Елена Мильбергер эса прет-а-порте услубидаги баҳор-ёз 2018 тўплами билан намоён бўлди. Уларнинг бирликдаги бренди Тhе Мiх бўлса – бу табиий жундан яратилган устки кийимбош ва шapkалар.
Дизайнер Дина Сайфи 43 та либос тақдим қилди. Йирик тўқилган устки кийимлар ва наматлар, майда тўқилган кўйлаклар, бахмал юбкалар, чарм палтолар ва плашлар қуюқ бордо, яшил, кўк ва сиёҳранг тусларда яратилган. Профессионал моделлардан ташқари, Дина Сайфининг либосларини Fashion Терапия жамоаси тақдим қилди.
Dilnozа Designer бренди юмшоқ ва майин ранглардаги 49 та лукни тақдим этди. Парча ва хон атласдан оқшом либослари, шифон комбинезонлар, бахмал юбкалар ва пижаклар патлар, стеклярус ва бисерлар билан безатилган.
Кеча якунида Мursak бренди 40 та тўлиқ кийимбошни тақдим этди. Коллекция визуал тарзда иккига бўлинган бўлиб, биринчисида авангард услубидаги оқшом либослари бўлса, иккинчисида миллий услубдаги «Аъло Бахмал» либослари тақдим этилди. Унда қалин бахмалдан тикилган турфа рангдаги кўйлак, ёпинчиқ ва пижакларни кўриш мумкин эди.
Тадбир меҳмонлари:
Актриса Асал Шодиева
Хонанда Шаҳло Аҳмедова
Бошловчи Дилдар Исломова
Хонанда Амира Алибекова ва актриса Шаҳзода Матчонова
Изоҳ (0)