Янги Жанубий Уэльс университети (Австралия) олимлари Тинч океанининг шимолий қисмида қарийб минг йилдан буён ҳеч қачон юзага кўтарилмаган сувни аниқлади, деб ёзади «Вести.ru» Nature журналидаги мақолага таяниб.
Икки километр чуқурликдаги махсус қатламда «қамалиб қолган» суюқлик ҳеч қачон ҳаво билан алоқага киришмаган.
«Радиоуглеродли таҳлил энг қадимий сув Тинч океани шимолий қисми тубларида эканлигини кўрсатди. Ушбу чуқурликда ‘сояли ҳудуд’ бўлиб, у ерда вертикал ҳаракат деярли умуман йўқ, бу эса ушбу жойдаги сувни бир неча асрлардан буён тутиб турибди», — деди олимлар.
Мутахассислар таъкидлашича, баъзи жойларда океан туби рельефи ва геотермал манбалар совуқ сув ҳаракатини ўзгартиради. Бундай оқимлар океан туби бўйлаб шимолга ҳаракатланади, енгилроқ бўлган илиқ сув эса унинг устидан ўтиб, жанубга кўчади.
Аммо баъзи жойларда бу циркуляция бузилган. Ҳарорати ҳар хил бўлган сув оқимлари ҳаракатининг траекториясидаги фарқ ўзига хос ўйиқни юзага келтирган, у ерда эса Тинч океани юзасига кўтарилмаган сув тўпланиб қолган.
Изоҳ (0)