Қозоғистон, Россия ва БАА ҳукуматлари вакиллари коинот соҳасида қўшма лойиҳаларни ривожлантириш бўйича уч томонлама ишчи гуруҳ тузиш тўғрисида келишиб олди. Бу ҳақда Қозоғистон бош вазири матбуот хизмати маълум қилди, дея хабар беради «ТАСС».
«Музокаралар чоғида томонлар юқори технологияли инновацияли ишланмалардан фойдаланиб коинот соҳасида қўшма инвестиция лойиҳаларини ривожлантириш имкониятини муҳокама қилди. Амирлик томони Бойқўнғир космодроми фаолиятининг жорий ҳолати ва келгусидаги истиқболлари билан танишди», — дейилади матбуот хизмати хабарида.
Учрашув давомида шайх Мансур ал-Наҳайян БААнинг «Бойтерак» Россия—Қозоғистон қўшма лойиҳасида иштироки имкониятини кўриб чиқишга қизиқиш билдиргани таъкидланмоқда.
Изоҳ (0)