КХДР қишки вақтда жанговар ҳаракатларни машқ қилиш бўйича кенг кўламли ҳарбий машғулотларни ўтказишга тайёрланишни бошлади, деб ёзади «ТАСС» Корея Республикаси миллий мудофаа вазирлиги вакилига таяниб.
«Корея халқ армиясининг йирик қишки ҳарбий машғулотларга тайёргарлик кўриш белгилари қайд этилди, шу муносабат билан Жанубий Корея ҳарбийлари огоҳликни оширди ва эҳтимолий гиж-гижлашларни диққат билан кузатмоқда», — деди у.
Расмий вакил маълумотларига кўра, машғулотлар декабрда бошланиши мумкин.
Айни пайтда Корея ярим ороли акваториясида 11 ноябрь, шанба кундан буён АҚШ ва Корея Республикаси авиаташувчи гуруҳларининг манёврлари ўтказилмоқда. Жуда катта кўламли машғулотларда улар КХДР ядро объектларига зарбалар беришни машқ қилмоқда.
Изоҳ (0)