Москвадаги Черкизово бозорининг собиқ эгаси Тельман Исмоилов томонидан Туркиянинг Анталья шаҳрида 2009 йили қурилган Mardan Palace меҳмонхонасидан номаълум шахслар тилла суви юритилган декор қисмларини бузиб, олиб кетмоқда. Бу ҳақда «Газета.ru» хабар берди.
Mardan Palace тўланмаган қарзлар туфайли электрдан узилган, ходимлар меҳмонхона ҳудудини тарк этган, сигнализация эса ўчириб қўйилган.
Шундан сўнг меҳмонхонага тунги пайт ўғрилар оралай бошлади, улар тилла суви юритилган деворнинг камида етти секцияси ва декорнинг боғга тегишли буюмларини ўмаришга муваффақ бўлди.
Mardan Palace Туркиядаги энг ҳашаматли меҳмонхона саналар, унинг қурилишига 1,4 миллиард доллар харажат қилинганди. 2009 йили бўлиб ўтган ва Голливуд юлдузлари иштирок этган очилиш маросимининг ўзига 35 миллион доллар сарфланганди.
Изоҳ (0)