Ироқ ҳарбийлари Киркук вилоятида ИШИД жангарилари қатл этган 400 га яқин киши дафн этилган қабристонни топди. Ҳалок бўлганларнинг аксарияти турли ёшдаги эркаклардан иборат, деб хабар беради «ТАСС».
Қабристон АҚШнинг ҳукумат кучлари томонидан бир ой аввал озод қилинган ал-Хавижа шаҳри яқинидаги собиқ базаси ҳудудидан топилди.
Вилоят губернатори вазифасини бажарувчи Райҳон ал-Жобирий қабристон топилганини тасдиқлади ва Ироқ расмийларини ҳалок бўлганлар шахсини аниқлашга чақирди.
Маълумот учун, Ироқ ва Сурия ҳарбийлари йил бошидан бери ИШИДнинг 5200 дан ортиқ қурбони кўмилган 72 та қабристонни топди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)