Тошкент шаҳар Юнусобод туманида 2017 йилнинг 22 октябрь куни, тунги соат тахминан 04:00 да номаълум шахс мазкур туман ҳудудида жойлашган дўконнинг кириш эшигини бузиб кирган. Шундан сўнг номаълум шахс дўкондан фуқаро Қурбонбек Суннатовга тегишли бўлган 53 767 500 сўмлик тамаки маҳсулотлари, 391 400 сўм пул ҳамда Samsung русумли уяли телефонини ўғирлаб кетган. Бу ҳақда Тошкент шаҳар ИИББ хабар берди
Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 169-моддаси 2-қисми «г» банди билан жиноят иш қўзғатилган.
Ички ишлар идоралари ходимлари томонидан ўтказилган тергов-тезкор тадбирлар натижасида, мазкур жиноятни Фаррух Боситов ва Дилшод Раҳмонов содир этганлиги аниқланган.
Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорликлари текширилмоқда.
Жабрланувчининг исми ва фамилияси ўзгартирилган.
Изоҳ (0)