Ўзбекистон Ташқи иқтисодий фаолият миллий банки (ТИФ МБ) 2017 йилнинг 8 ноябрь куни Европа тикланиш ва тараққиёт банки (ЕТTБ) билан кичик бизнес ва савдони қўллаб-қувватлашга доир 100 миллион АҚШ долларлик заём келишувини имзолади. Бу ҳақда банк матбуот хизмати ҳақида хабар берди.
Кичик бизнес ва хусусий тадбиркорликни қўллаб-қувватловчи молиялаштириш дастури 70 миллион АҚШ долларини, ЕТTБнинг савдога кўмаклашиш дастури доирасидаги лимит эса 30 миллион долларни ташкил қилади.
Ўзбекистон миллий банки бошқаруви раиси Суҳроб Холмуродов ТИФ МБ ва ЕТTБ ўртасидаги келишувнинг имзоланиши ўзаро ҳамкорлик ва янги лойиҳаларни амалга оширишдаги янги босқични бошлаб беришига ишонч билдирди. У ЕТTБни Ўзбекистонда кўришдан хурсанд эканини билдириб, ЕТTБ салоҳиятининг мустаҳкамланиши республика иқтисодиёти учун ажойиб актив бўлишини таъкидлади.
ЕТTБнинг биринчи вице-президенти Фил Беннетт бу борада шундай дейди: «Биз сармоя киритувчи мамлакатларда бирга ишловчи ҳамкор-банклар оиласида ТИФ МБни кўрганимиздан шодмиз. Ишончим комилки, бизнинг кредит линияларимиз ва молиявий ‘ноу-хауъларимиз ўзбекистонлик хусусий микро, кичик ва ўрта корхоналарга мамлакат иқтисодиётини қўллаб-қувватлаш йўлида кучли, барқарор ва фаол фаолият юритишга ёрдам беради. Янги маблағларга эга бўлиш уларга ўз салоҳиятини амалга оширишда кўмак беришига умид қиламиз».
ЕТTБнинг савдога кўмаклашиш дастури ТИФ МБга импорт ва экспорт операцияларини қўллаб-қувватлашга, банк хизмат тизимини ривожлантиришга ва савдони молиялаштириш учун маҳсулотлар ассортиментини мустаҳкамлашга ёрдам беради.
Реклама ҳуқуқи асосида!
Изоҳ (0)