Кубанинг Олгин провинциясидаги пляжлардан бирида чўмилаётган 22 ёшли йигитга акула ҳужум қилди. Бу ҳақда «ТАСС» хабар бермоқда.
Ҳодиса 4 ноябрь, шанба куни кечки пайт Гуардалавака пляжида рўй берди. Йиртқич дўстлари билан қирғоқдан 3 метр нарида чўмилаётган йигитни оёғидан тишлади.
У зудлик билан касалхонага етказилди, бироқ шифокорлар ҳаётини сақлаб қололмади. Йигит бир неча дақиқадан сўнг кўп қон йўқотиш оқибатида оламдан ўтди, акула унинг сон артериясига зарар етказганди.
Куба матбуотига кўра, акуланинг инсонга ҳужум қилиши маҳаллий аҳоли ва хорижий сайёҳлар орасида оммалашган Гуардалавака пляжида илк бор қайд этилди.
Изоҳ (0)