Москва шимоли-шарқида олти кишининг ўлимига сабаб бўлган ёнғин бино ичида кабоб тайёрлашга уриниш оқибатида келиб чиққан. Бу ҳақда, ҳуқуқ-тартибот органларига асосланиб, «ТАСС» хабар бермоқда.
6 ноябрга ўтар кечаси юз берган ёнғин 12 квадрат метри майдонни қамраб олган. Ўт ўчирувчилар ҳодиса жойидан олти кишининг жасадини топган. Яна бир киши танасининг 30 фоизи куйгани ҳолда шифохонага ётқизилган.
Дастлабки хабарларда ҳалок бўлган олти шахснинг бари Ўрта Осиё мамлакатларидани экани айтилган эди. Бироқ, сўнгги маълумотларга кўра, уларнинг икки нафари москвалик, бири Беларусь фуқароси экани айтилмоқда.
Қолган уч киши Россиянинг бошқа ҳудудлари ва МДҲ мамлакатларидан экани айтилмоқда, бироқ айнан қаердан эканига аниқлик киритилмаган.
Изоҳ (0)