Қозоғистонда аҳолининг қариши кузатилмоқда. 2015—2016 йилларда мамлакатда 100 нафар болага салкам 26 нафар 65 ёшдан катта фуқаро тўғри келди. Бу ҳақда Kazakhstan Today хабар берди.
Қозоғистон аҳолисининг аста-секин қариши мамлакатда туғилиш даражасининг пасайиши фонида содир бўлмоқда. Жумладан, 2016 йилда 16 минтақадан атиги 5 тасида ҳар 1000 кишига туғилиш коэффициентининг кўпайиши қайд этилди.
Энг юқори кўрсаткичлар Шимолий Қозоғистон шаҳарларида кузатилмоқда: уларда қариш индекси 100 болага 62,2 ни ташкил этди.
Энг паст кўрсаткич Атирау вилоятида, бу ерда 15 ёшгача бўлган 100 болага 65 ёшдан катта 14 киши тўғри келди.
Изоҳ (0)