Пентагон АҚШ ва Шимолий Корея ўртасидаги ҳарбий ҳаракатлар оқибатларини таҳлил қилди. Қуролли кучлар штаб бошлиқлари қўмитаси директор ўринбосари Майкл Дюмонт таҳлил натижаларини Конгресс вакиллар палатасига юборди, деб хабар беради «ТАСС».
Олдинроқ конгрессменлар Рубен Галлего ва Тед Ле Пентагондан КХДР билан уруш юз берганда АҚШ ва иттифоқдошларининг эҳтимолий йўқотишлари ҳақида маълумот беришни сўраганди.
«Мудофаа вазирлигида фавқулодда ҳолатларга тааллуқли бир неча ҳаракатлар режаси мавжуд. Мазкур режалар турли-туман имкониятлар, жумладан, учинчи томон аралашуви, шунингдек, можарони тийишнинг энг мақбул усулларини ўз ичига олади», — дейилади Дюмонтнинг мактубида.
Контр-адмиралга кўра, КХДРнинг барча ядро объектларини аниқлаш ва тўлиқ йўқ қилиш фақат мамлакатга АҚШ қуруқликдаги қўшинлари кирганда амалга ошиши, Пхеньян эса бунга кимёвий ва биологик қурол қўллаш билан жавоб қайтариши мумкин.
Изоҳ (0)